Landsfestivalen i gammaldansmusikk:

Dobbeltsiger i gruppespel for Bjørn Kåre

Gruppa «Bjørnblakken» vart kåra til beste gamaldansgruppe, og «Lendmenn» vart nummer to. Bjørn Kåre Bråten Odde frå Garmo er med i båe gruppene.

Beste gamaldansgruppe: Bjørn Kåre Bråten Odde og resten av gruppa «Bjørnblakken» vann klassa gruppespel under Landsfestivalen i gammaldansmusikk i helga. Frå venstre: Ronny Kjøsen, Geir Byre, Bjørn Kåre Bråten Odde, Jon Amund Karusbakken og Ole Nilssen.  Foto: Thomas Westling

New Articles

Det var under Meisterkonserten på Landsfestivalen i gammaldansmusikk i Kinsarvik at vinnarane i dei ulike tevlingsklassene vart kunngjort.

Gruppespel er den klassa det kanskje er knytt mest spenning til kvart år. Etter både kvalifisering og finalespel var det gruppene «Bjørnblakken» og «Lendmenn» som stod att til slutt.

«Lendmenn» vart kåra til beste gamaldansgruppe både i 2017 og 2018 under Landsfestivalen, men måtte i år ta til takke med andreplassen. Det var nemleg «Bjørnblakken» som vart kåra til beste gamaldansgruppe i år. Gruppa består av Ronny Kjøsen, Ole Nilssen, Geir Byre, Jon Amund Karusbakken og Bjørn Kåre Bråten Odde.

Gruppa «Lendmenn» som tok andreplassen består av Bjørn Kåre Bråten Odde, Bjarne Odde, Mads Erik Odde, Steinar Odde og Øyvind Sandum.

Det vart med andre ord dobbeltsiger på garmoingen Bjørn Kåre Bråten Odde, med si heilgardering i klassa gruppespel under Meisterkonserten.

Men det var fleire ottadølar som fekk topplasseringar under årets landsfestival:

• Even Offerdal Bakken frå Lom vann klassa andre instrument junior

• Øyvind Sandum frå Lalm vann klassa andre instrument senior

• Even Offerdal Bakken frå Lom vann klassa durspel junior

• Øyvind Sandum vart nummer tre i klassa durspel senior

• Ragnhild Grøna frå Lom vart nummer tre i klassa fele/hardingfele junior

• Lom spel- og dansarlag vart nummer to i klassa lagdans senior

• Lom toradergruppe vart nummer to i klassa lagspel durspel/trekkspel

• Gamlebanken Spelemannslag, med Kjartan Haugen Foss frå Lom, vann klassa lagspel fele/hardingfele

• Mukampen spel- og dansarlag, med Kjartan Hugen Foss frå Lom, vart nummer to i klassa lagspel fele/hardingfele

• Vågå Spelmannslag vart nummer fire, og Lom spelmannslag nummer seks i klassa lagspel fele/hardingfele

• Ragnhild Grøna og Aleksander Ødegård frå Lom og Vågå vann klassa pardans junior

• Stian Barlund Nicolaisen og Even Offerdal Bakken frå Lom vann klassa samspel junior

• Rolf Roys, med Kjartan Haugen Foss frå Lom, vann klassa samspel senior

• Hanne Kari Bakke, Ragnhild Jøndal Bjertnæs og Ola Nesset frå Vågå vart nummer tre i klassa samspel senior

Sjå komplett resultatliste frå Landsfestivalen ved å klikke her.

Nummer to: Gruppa «Lendmenn» vart nummer to i klassa gruppespel. Også her er Bjørn Kåre Bråten Odde medlem.  Foto: Thomas Westling