Etter 26 år fekk dei endeleg sjå resultatet av arbeidet med teiknefilmane «sine»

Det skulle gå heile 26 år før ottadølane fekk sjå teiknefilmane dei var med på å lage til OL på Lillehammer i 1994. Kjell Aukrust-filmane med Emanuel Desperados i hovudrolla skulle etter planen sendast på NRK, men vart aldri vist ...

Teiknefilmskaparar: Endeleg fekk ottadølane sjå Aukrust-filmane som vart stelt til for OL på Lillehammer, som dei var med på å stelle til. Fremst f.v.: Magnhild Teigum, Ranveig Stamstad, Mona Karin Brenna og Laila Bårdseng. Bak f.v.: Prosjektleiar Nille Tystad, Rolv Arne Sandvoll, Unni Stålevik Stade, Marianne Randen, Kari Mette Brandsar, Liv Sissel Lund Sperstad, Mari Brandsarbakken, Eli Hansen Moen, Aud Marit Sollid og Elise Fallingen. Ikkje til stades: Åse Håkenstad og Liv Steine.  Foto: Tom Erik Solstad

Nyheiter

Det er fredag ettermiddag i Utgard i Lom. På eit bord i kantina står glas med boblar i. Forventningsfulle «teiknefilmskaparar» frå Ottadalen har vorte invitert til ei heilt spesiell anledning, nemleg ei verdspremiere. I 1993 deltok dei på eit 12 veker langt kurs i Lom, der dei fekk opplæring i teiknefilmproduksjon.