Val 2019:

Kari har kaffe og kaker klart for valvake

SP-leiar Kari Hølmo Holen har invitert 100 partimedlemar heim til seg på valvake i kveld.

Valkake: Kari Hølmo Holen har alt klart for valvake heime i Holungsøyom. SP-leiaren har invitert 100 partifeller. – Eg har nok kaffe og kaker, seier ho.   Foto: Arve Danielsen

Nyheiter

– Eg veit ikkje kor mange som kjem, men eg har nok koppar, nok kaffe og mykje kaker, seier Kari Hølmo Holen.

I år som for fire år sidan, har Vågå SP valvake heime hjå Kari i Holungsøyom.

Leiaren av Vågå SP tykkjer det er triveleg å få partifeller på besøk valkvelden.

– Eg har både radio og fjernsyn, så vi kan følgje med på valsendingane, seier ho.

– Spennande?

– Val er val, seier Kari med eit smil.

Både sundag og i dag har ho vore med som valfunksjonær på kommunehuset.

– Oss avdanka politikarar blir brukt til slikt, seier ho.

Også dei andre partia i Vågå er samla til valvake denne kvelden.

Arbeidarpartiet har valvake på Vågå Hotel, Bygdalista på Bokhandel' kafé og SV arrangerer ope stemmemøte på Frivilligsentralen - uansett partifarge.