Har «bomma» på eitt landsskyttarstemne sidan debuten

Det er få i Nord-Gudbrandsdalen som har så lang fartstid i Landsskytterstevnet-samanheng (LS) som Trond Jøingsli. 60-åringen har berre mista eitt LS sidan han debuterte på den store skyttarfesten i 1983.

I gang: Trond Jøingsli klarte ikkje å følgje opp det glimrande norgescupresultatet i førre veke på baneskytinga på LS.  Foto: Svein Halvor Moe

Nyheiter

Trond har ikkje berre delteke. Lom og Skjåk-skyttaren har også gjort det bra. Den joviale veteranskyttaren har ikkje tal på kor mange beger og andre premiar han har raska til seg på LS. Jøingsli er heller ikkje så lysta på å prate om det. Han er meir oppteken av å fortelja kor kjekt det er å vera på LS som er det desidert største og mest prestisjefylte skyttarstemnet i landet.

– For oss som er interessert i skyting så er dette årets høgdepunkt. Det er ikkje så mykje meir å seia om det, sa Jøingsli som har reist landet på kryss og tvers for å vera med på Landsskytterstevnet. Berre ein gong har han mista LS etter at dei fyrste skota vart avfyrt i denne samanhengen. Det var i 1996 da Målselv var arrangør. Det var på ingen måte den 24 timar lange bilturen som skremte han.