Det var under Meisterkonserten i ein fullsett Skjåkhall sundag at vinnarane i dei ulike tevlingsklassene vart kunngjort.
Klassa det er knytt høgast spenning til kvart år under Landsfestivalen i gammaldansmusikk er utan tvil klassa gruppespel. Etter både kvalifisering og finalespel stod dei to gruppene «Dølalæte» og «Lendmenn» att til slutt.
Det vart stor applaus og jubel i salen da styreleiaren i FolkOrg, Hilde Reitan, under Meisterkonserten kunne avsløre at det i år som i fjor var «Lendmenn» som av fagdommarane var kåra til Noregs beste gamaldansgruppe.
Den lokale gruppa består av Bjørn Kåre Bråten Odde, Steinar Odde, Mads Erik Odde, Bjarne Odde og Øyvind Sandum.
«Lendmenn» var langt frå einaste lokale som fekk topplasseringar under Landsfestivalen i gammaldansmusikk i Skjåk:
Klassa solo andre instrument junior vart vunne av Even Offerdal Bakken frå Lom.
Klassa samspel junior vart vunne av Stian Barlund Nicolaisen og Even Offerdal Bakken frå Lom
Klassa solo fele/ hardingfele senior vart vunne av Bjørn Kåre Bråten Odde frå Garmo
Klassa solo durspel junior vart vunne av Even Offerdal Bakken frå Lom
Klassa durspel senior vart vunne av Øyvind Sandum frå Lalm
Klassa solo andre instrument senior vart vunne av Mads Erik Odde frå Garmo
Fleire andre- og tredjeplassar gjekk også til lokale spelmenn:
Lom spelmannslag vann andreplassen i klassa lagspel fele/hardingfele
Øyvind Sandum frå Lalm vann andreplassen i klassa solo andre instrument senior
Rikard Odnes frå Vågå vann tredjeplassen i klassa solo andre instrument senior
Øystein Nicolaisen frå Lom vann tredjeplassen i klassa solo durspel senior
Mari Midtli og Øyvind Sandum vann tredjeplassen i klassa pardans senior
HER kan du sjå komplett resultatliste frå Landsfestivalen.
Fjuken kjem i løpet av kvelden attende med eit bildeglimt frå Landsfestivalen i gammaldansmusikk.
