Sel sin gamle kjære Dodge

Mange drøymde som ungar å bli brannmann når ein vart stor. Nå kan ein realisere draumen ved å kjøpe seg eigen brannbil.

Brannbil: Den som ynskjer seg ein raud brannbil må passe på nå.   Foto: Vågå brannvesen

Nyheiter

Det er ein ekte brannbil som tysdag vart lagt ut på Finn.

Det er Vågå brannvesen som nå sel sin gamle kjære Dodge brannbil.

Brannbilen er ein Dodge Custom, 1978-modell. Den har ein kilometerstand på 11.844 kilometer.

Det vil seie at den 40 år gamle bilen i snitt har køyrt 296 kilometer i året.

I følgje annonsen går brannbilen som ein draum, og blir seld med pumpe.

Blåljos vil bli demontert dersom ikkje den som kjøper brannbilen kan dokumentere at den skal nyttast til utrykking og at ein har løyve til dette.