Fullt av folk på Skjåkutstillinga

Skjåkutstillinga i Galleri Mathilde i Bismo vart opna laurdag ettermiddag, for 21. år på rad. Kunstinteresserte strøymde til frå nær sagt alle kantar.
Nyheiter

– Vi kan ikkje sleppe inn alle på ein gong. Vi må ordne det slik at publikum går inn puljevis. Anten det, eller så kjem golvet til å bryte ihop, lo Mathilde Skamsar, som presenterte alle kunstnarane som er med. Fleire av dei er debutantar, men alle har lokal tilknyting.

Mathilde Skamsar har prioritert med hard hånd. Det er nemleg slik at Skjåkutstillinga berre blir meir og meir populær. Derfor er det heller ikkje plass til alle som gjerne vil vera med.