Nominasjonskomiteen for Hedmark og Oppland Sp har i dag sendt ut ei liste på 24 kandidatar til lokallaga, som komiteen meiner er dei best kvalifiserte til å danne øvre del av fylkestingslista for Senterpartiet til det nye Innlandet fylkesting.
Ivar Odnes, leiar av nominasjonskomiteen, skriv i ei pressemelding at det er ei kandidatliste med ei god blanding av røynde og nye politikarar med god kompetanse og ei god geografisk fordeling som representerer heile det nye fylket.
- Komiteen er godt tilfreds med å ha så mange gode kandidatar å velgje i. Totalt har komiteen 68 kandidatar som har stilt seg til disposisjon for ein plass på den endelege fylkestingslista. Komiteen meiner også at lista har fleire kandidatar som kan aksle rolla som fylkesordførar i det nye Innlandet fylke, skriv Odnes.
Aud Hove frå Skjåk og Bengt Fasteraune frå Dovre er kandidatar frå Nord-Gudbrandsdalen.
Lokallaga har frist til 1. september å sende inn sin prioriterte liste.
Med bakgrunn i dette skal nominasjonskomiteen presentere sitt endelege listeforslag innan 15. oktober.
25. november blir det felles nominasjonsmøte for Hedmark og Oppland Sp for å vedta endeleg fylkestingsliste.
Dei 24 kandidatane i alfabetisk rekkjefølge:
Aashaug Ragnhild, Tolga 47 år. Nord-Østerdal
Bjørnstad Kjersti, Gjøvik 34 år Gjøvikregionen
Fasteraune Bengt, Dovre. 54 år Nord- Gudbrandsdal
Finden Ragnhild, Stange. 49 år. Hedemarken
Furuberg Merete, Grue. 63 år Glåmdalen
Frang Olav, Stange. 62 år. Hedemarken
Gjestvang Mari, Ringsaker. 56 år Hedmarken
Haarr Margrethe, Kongsvinger. 33 år Glåmdalen
Hove Aud, Skjåk. 48 år Nord- Gudbrandsdal
Hyllvang Lars Erik, Engerdal. 49 år. Sør- Østerdal
Kaus Turi-Elise, Ringebu. 52 år. Midt-Gudbrandsdal
Nohr Jesper, Trysil. 21 år. Sør-Østerdal
Nyberg Gry, Åmot. 48 år Sør-Østerdal
Oldre Bergljot, Vang. 20 år Valdres
Oulie Pål Arne, Gran. 40 år. Hadeland
Rønaasen Ole Mathias, Grue. 25 år. Glåmdalen
Røssum Olav, Nord-Fron. 55 år. Midt-Gudbrandsdal
Sandtrøen Per Martin, Tynset. 32 år. Nord-Østerdal
Skari Anne Marte, Gran. 53 år. Hadeland
Statsvold Kristin Storbråten, Nordre Land 23 år Gjøvikregionen
Sveen Torvild, Gjøvik 43 år Gjøvikregionen
Svelle Torleik, Lillehammer 26 år Sør-Gudbrandsdal
Vingelen, Leif, Tolga. 45 år Nord-Østerdal
Ødegård Haldor, Vestre Slidre 55 år Valdres