Artistane Lilja og African Sunz spelte for deltakarane i Til Topps i Presthaugen fredag kveld.

Det var heftige og fengande rytmar, og folk ville nok gjerne hatt meir musikk, men sidan dei fleste skal ut på tur laurdag, var festen slutt ved 21-tida.

I dag går «verdas største turfylgje» til mellom anna Galdhøpiggen. Det er elles fleire alternative turar rundt omkring Lom.

Til Topps er årets sprekaste integreringsarrangement. Røde Kors, DNT, IMDi og KS samlar menneske frå heile verda som bur i Noreg for å gå saman til toppen av Galdhøpiggen, - og andre turmål.