Klokkargardtomta skal gjennom ei større oppgradering for å avhjelpe parkeringsutfordringane i Lom sentrum.
Også tidlegare somrar har det vore mogleg å parkere på tomta, utan at det har vore særleg tilrettelagt.
Nå skal det kostast på 190.000 kroner til rydding, planering, berelag og grus.
Oppland fylkeskommune har gjeve stadsutviklingsmidlar som utgjer ein del av finansieringa.
Det skal òg skiltast betre i Lom sentrum. Nordplan og Statens vegvesen har nyleg vore på synfaring for å planlegge dette.