Det var klokka 18.15 at politiet på Twitter meldte om brann i bubil på riksveg 15.
Bubilen var på tur austover da den tok fyr på den nye delen av riksvegen utanfor Vågåmo, like før den austre rundkøyringa på riksvegen.
Vågå brannvesen kom raskt på plass og sløkte bilbrannen.
Operasjonsleiar Dyre Antonsen i Innlandet politidistrikt fortel at ingen personar kom til skade i bilbrannen.
Det var to personar i bubilen. Dei var heimehøyrande på Møre-kanten.
Trafikken vart dirigert om på staden. Klokka 19.20 var bilberging på plass.