Det var klokka 08.12 at naudetatane fekk melding om ulykka på fylkesveg 55 Sognefjellsvegen.
Ulykke i Bøverdalen
To bilar hadde frontkollidert på rettstrekka utanfor Sulheim.
Det var ein person i kvar av bilane. Båe sat fastklemt og måtte frigjerast.
Oppdragsleiar ved Innlandet politidistrikt, Stig Folstad Hansen, fortel at båe sjåførane er lokale kvinner.
- Båe vart hardt skadd i ulykka. Den eine er floge med Luftambulanse til St. Olavs hospital i Trondheim, den andre er floge til sjukehuset i Ålesund, seier Folstad Hansen.
Årsaken til ulykka er ikkje klarlagt.
Vegen forbi ulykkesstaden er nå opna for fri ferdsel.