Bispevisitasen i Skjåk vart starta tysdag morgon, med morgonbøn i Skjåk kyrkje og møte med staben på kyrkjekontoret.

Det er eit innhaldsrikt program biskop Solveig Fiske skal ta del i denne veka.

På programmet står mellom anna møte med skuleelevar, omvising på den nye barne- og ungdomsskulen, møte med kommunen og politikontakt, bedriftsbesøk, konfirmantbryllaup i Skjåk kyrkje, barnehagebesøk, rundtur i bygda med veteranbuss, plantedugnad, og Storlirunda med Skjåk Turlag.

Bispevisitasen blir avslutta sundag med visitasmesse i Nordberg kyrkje, og visitasforedrag i Dønfoss grendehus.

Førre bispevisitas i Skjåk var i 2009.

Biskop Solveig Fiske og sokneprest Kåre Gloslie. Foto: Tom Erik Solstad