Det er Sparebankstiftelsen DNB som har tildelt Klimapark 2469 over ein halv million kroner til istunnelen.

Kvart år deler stiftinga ut mange millionar kroner til lokale prosjekt på austlandet. Istunnelen i Juvfonne ved foten av Galdhøpiggen er det einaste prosjektet i Ottadalen som har fått pengar denne gongen. I alt har 59 prosjekt i Oppland fått pengar frå stiftinga nå i mai.

Beløpet på 600.000 kroner skal brukast til å vidareutvikle den populære og unike istunnelen.

Klimapark 2469 har også fleire gongar tidlegare fått tildelt midlar frå Sparebankstiftelsen DNB.