Til helga er det klart for Vågåtreffen. Årets treff er den 39. i rekkja.
Vågåtreffen er populær som aldri før med rekordstor deltaking. 22 grupper og lag spelar til dans fredagskvelden og 29 laurdagskvelden.
Fredagskvelden er det konsert med Lendmenn i kulturhuset i samband med at gruppa rundar ti år. Laurdag blir det musikk på butikkar og kafear i sentrum. Mønstringskonserten etter høgst dag laurdag er ein tradisjon som samlar mykje folk.
Gammaldansmiljøet er som ein stor familie som er saman i sorg og glede. Mest glede, men årets konsert blir spesiell. Semon Grindstuen i Grindstuen og Midtlis orkester gjekk i september brått og uventa bort, berre ein månad etter at gruppa gjekk til topps under Landsfestivalen i Lom.
– Vi vil heidre minnet etter Semon under konserten. Han var ein markant person i miljøet dei siste 25 åra, seier Stasviken. Han fortel dei fire andre i kvintetten vil spela under konserten.
Eitt av høgdepunkta under Vågåtreffen har vore utdeling av Vågåfatet. I år går heideren til trekkspelaren Håvard Svendsrud frå Modum i Buskerud, med Oslo som base for si kunstnariske verksemd.
Svensrud har studert musikk ved Barratt Due Musikkinstitutt og Det kongelege musikkonservatorium i København. Sidan 1998 har han vore frilansmusikar med eit allsidig spekter av oppdrag. I tillegg som musikar, har Svensrud lang erfaring som som orkesterleiar, arrangør og pedagog.
Årets vinnar av Vågåfatet har spela inn CD-ar i forskjellige sjangrar. Ein av desse; «Klassisk på trekkspel», fekk terningkast seks i Klassisk Musikkmagasin. I 2013 tok Svensrud over drifta av Kåre Korneliussen sitt plateselskap «Aksent». Her har han bygd vidare på tradisjonen ved å gje ut plater som inneheld dansar i gamal stil. I 2014 gav han ut albumet «Gamle danser fra Sør-Odal» og i 2015 kom «Danser i gammel stil av Per Bolstad».
Heideren Vågåfatet heng høgt. Desse personane har fått utmerkinga gjennom tidene:
1977 Oddvar Nygaard og Ola Opheim
1978 Ottar E. Akre
1979 Kåre Korneliussen
1980 Harry Borgen
1981 Hjalmar Moen
1982 Asmund Karusbakken
1983 Alfred Moen
1984 Øyvind Gustavsen
1985 Tor Bekkelund
1986 Knut Øversveen
1987 Jon Faukstad
1988 Ola Sandum
1989 Sigmund Dehli
1990 Jørgen Stasviken
1991 Willy Rustad
1992 Anna Odnes
1993 Hans H. Holen
1994 Anders Grøthe
1995 Edgar Heringstad
1996 Arnstein Johansen og Sverre Cornelius Lund
1997 Oddvar Fingarsen
1998 Kristian Gården
1999 Petter A. Røstad Sr.
2000 Sigurd Biløygard
2001 Helge Hysjulien
2002 Asmund Bjørken
2003 Magnar Slettede
2004 Magne Bø
2005 Ottar Johansen
2006 Aage Sogn
2007 Bjørn Turtum
2008 Kjell Harald Langhaug
2009 Tove og Terje Bekkedal
2010 Jostein Sørbøen
2011 Ola Grøsland
2012 Sven Nyhus og Tore Løvgreen
2013 Arve Bjørn Røneid
2014 Jan Visdal
