Kommunalminister Åslaug Haga vil gje kvinnelege gründarar dei same rettane som vanlege arbeidstakarar har ved graviditet og fødsel.
- Ei sjølvfylgje, seier Eva Vole, som er ein av fleire unge kvinner i Lom som har skapt sin eigen arbeidsplass. For hennar Studio Eva er dette året eit anten eller.

Fotograf Morten Krogvold har venta på eit galleri i Vågå i mange år. Ei ressursgruppa med Steinar Aasgaard i spissen arbeider med eit forprosjekt om Galleri Krogvold på garden Kremmar-Sandbu.

Lom har gjennom fleire prosjekt engasjert seg for å få fleire kvinner til å engasjere seg i lokalpolitikken. Nå ser det ut til at det har bore frukter; saman med Sel og Dovre får Lom inntil 750.000 årleg over ei periode på fem år til å arbeide med dette.

-Dess færre søppelsekkar du brukar, dess meir må du betale for kvar enkelt søppelsekk. Det er heilt på trynet! I Lom blir du straffa for å vere miljøbevisst, seier Thor Anders Hagen til Fjuken.

Natur og kultur går hand i hand på Gammel-Kleppe. Nå ønskjer Dag Lindvig å gjere garden om til kvilestad for slitne pilegrimar på veg frå Bjørgvin til Nidaros. Eit bad i badstua og overnatting på Likloftet er tilbodet når dei kjem til Gammel-Kleppe.