Rambøll Norge AS har på oppdrag for Skjåk kommune gjennomført ei evaluering av organisasjonsendringa som vart vedteke og gjennomført i 2005. Konklusjonen er at kommunestyrets målsettingar ikkje vart nådde på nesten noko punkt. Ljospunktet er servicetorget.

Publikum fekk ei musikkoppleving av dei store da Arve Tellefsen og Erling With Aasgård heldt konsert i Vågåkyrkja fredag kveld. Særs var klangen i den gamle fiolinen og treverket i kyrkja samstemt denne kvelden.

– Ein flott førjulspresang, seier Stine og Jørn Magne Stasviken. Etter å ha budd to år i koffert kan dei og dottera Malin endeleg flytte heim til Ulsand. Huset dei måtte evakuere frå i desember 2006 er nå sikra for nye ras.

- På Skjåk ungdomsskule er det mange elevar som kan få gode karakterar, men dei bryr seg ikkje om å få det. Det er ikkje «in» eller «tøft» å vere flink på skulen. Å få gode karakterar handlar like mykje om motivasjon som andre ting, sa Ingrid Lindsheim og Stine Leirmo da Skjåk kommune inviterte til møte om skulen måndag.

- Kyrkja i Bøverdalen har tapt seg mykje dei siste to-tre åra. Ho treng restaurerast både innvendig og utvendig. Vi håpar politikarane finn midlar på budsjettet til neste år. Om ikkje, kan dette bli reint for gale, fryktar Marie Galaaen og Magne Røhr.