Speleselskapet Betsson har lova ordførarodds på samtlege kommunar i ordførarvalet i haust.
– Vi har som mål å treffe på 80 prosent av våre ordførartips. Det betyr i så fall at vi skal treffe på 13 av 16 tips i Oppland, seier PR-manager Mikael Mellqvist i Betsson.
Den tøffaste nøtta så langt er Nord-Fron, der det skil marginalt mellom favoritten Olav Røssum til 2 i odds og oddsoutsideren Rune Støstad til 2.20 i odds.
– Der er det ope, og det er det også i Lesja, Lom, Øyer og Sør-Fron også, seier Betssons PR-manager.
I Vågå er Iselin Jonassen frå Arbeidarpartiet favoritt med 1.20 i odds. Svein Blankenborg frå Bygdalista gjev 6.00 i odds, Anders Gustav Bjørnsen frå Senterpartiet 10.00 og Anne Sjetne frå Sosialistisk Venstreparti gjev 50.00 i odds.
I Skjåk er Elias Sperstad frå Senterpartiet favoritt med 1.15 i odds. Odd Joar Ramstad frå Arbeidarpartiet gjev 4.80 i odds.
I Lom har dagens ordførar Bjarne Eiolf Holø frå Senterpartiet 1.80 i odds, medan utfordrar Anne-Lise Marstein frå Arbeidarpartiet gjev 2.20 i odds. Jarmund Øyen frå Bygdalista gjev 12.00 i odds og Eilev Hellekveen frå Lomslista gjev 50.00 i odds.
