Det var styreleiar Gunnar Haugen i Vågå avløysarlag som hadde æra av å dele ut Det Kongelege Selskap for Norges Vel si medalje og diplom til dei to trufaste medarbeidarane under ei markering på Vågå hotel måndag kveld.
Arne Ivar Blankenborg starta som avløysar i august 1987 og i løpet av desse 30 åra har han vore mest avløysar i Skårvangen, men også i Nordherad og på Lalm.
I tillegg til avløysarjobben har Blankenborg drive som gardbrukar med sau på Gjeilen i Skårvangen.
Kjetil Stade som er dagleg leiar i Vågå avløysarlag, starta i arbeidet i juli 1982. Da var ordninga med avløysarlag ny. Vågå avløysarlag var det fyrste i sitt slag i Gudbrandsdalen.
- Han har bygd opp og forma avløysarkontoret til slik det er i dag, sa Gunnar Haugen.
- Det står respekt av arbeidet døkk har lagt ned, sa styreleiaren om Blankenborg og Stade etter at dei hadde fått sin fortente heider.