Ein liten kveldstur til Tesse tysdag kveld baud på eit triveleg møte langs vegen mellom Tesseosen og Brimi fjellstugu.
For der i vegkanten låg tre reinsbukkar som slettes ikkje ville forstyrrast av ein ivrig fotograf.
Reis døkk opp og still døkk i positur, tenkte fotografen, oppteken av komposisjon av bilete.
Og ein moderne naturfotograf tek sine fotografi frå bilsetet må vite.
Reinsbukkane vart liggjande. Dei tenkte vel heller: Kom att til hausten. Da har vi meir hovudpryd å syne fram.
Fotografen tok eitt bilete likevel.