 |
 |
|
|
Flåklypa i finvêr
For femtande året på rad vart veteranbilløpet Flåklypa Grand Prix arrangert laurdag.
Saman med dei flotte bilane kom det ein godvêrsdag...
|
|
|
 |
| Eldst: Sjølv om denne bilen er ein T-ford,
1912-modell, likna han ikkje lite på bilen som
Ben Reddik Fy Fasan og sjåfør Emanuel
Desperados brukte i Flåklypa Grand Prix-
filmen. Den gullforgylte radiatoren er til og med
på plass. Eigar av Ford T, Mother in Law er
valdresen Jon Magnus Hjelle. |
Med godt over 300 doningar av ymse slag, lastebilar, bussar, mopedar, motorsyklar, feite amerikanske dollarglis og meir nøkterne europeiske småbilar som Fiat og Morris er det underhaldning av høg klasse å vere tilstades under det største veteranbilløpet som blir arrangert i Noreg. Med start og mål på Nordal i Lom la doningane ut på ein rundtur i bygdene våre som i høve dagen hadde teke på seg ei godvêrsdrakt vi ikkje har vore bortskjemte med den siste tida. Rundt om i løypa, frå Bergom oppover solsidevegen til Flåklypa, vidare til Galdesand og Liasandane, attende til Lom og nordover til matstopp på Skjåkheimen i Skjåk, hadde bygdafolket ordna seg til med fluktstolar, hagebord og kaffe på termos langs vegen. Med årets nye vri, der halvdelen av doningane køyrde fyrst til Bøverdalen, medan dei andre køyrde fyrst til Skjåk, unngjekk arrangøren dei lange køene ved postane undervegs, samstundes som det rak veterankøyrety etter vegane heile laurdag. Dette er så absolutt ein vri som både arrangør, publikum og deltakarar bør være nøgde med.
|
|
|
|
|
|
Startsida | Digitalknipset | Abonnere | Annonsere | Søk
