Det er duka for traktordur og folkefest under Traktorrock i Vågå i helga.
Arrangøren KulturCompagniet har eit spennande program å by på. Laurdag vil Mo'einn bli fylt av aktivitetar og eit yrande folkeliv.
Her blir det aktivitetar for born, politisk debatt, bygdastafett, VM i pysjeeting, traktorparade og stands med lokalt næringsliv.
Sundag er det fart og spenning ved Smedsmo med traktor-cross og dragrace med veterantraktorar.
Det heile blir avrunda med ei kulturoppleving; spelet om Jo Gjende i Jutulheimen.