Det var stor jubel i Lomsleiren onsdag kveld etter at Lom J16 er klare for åttandedelsfinalen torsdag føremiddag.

Lomjentene vann sine tre kampar i innleiande runde. Dette er fjerde gongen at laget vinn si pulje i Norway Cup.

Lomsjentene slo Lyngbø 2-1 etter ein tøff kamp i 16-delsfinalen.

– Ein slitekamp på ei våt og dårleg bane, seier Tor Olav Mundal som er trenar og lagleiar saman med Martin Fjeld.

Anna Schjølberg førte laget opp i leiing, men etter klabb og babb med nærast gjørmebryting, utlikna motstandarane.

Sju minutt før full tid fekk Lom straffe der kaptein Mari Solbakken sette ballen sikkert i mål.

Torsdag føremiddag stiller Lom J16 opp for å møte Kolbotn i åttandedelsfinalen.

– Kolbotn er gode, men vi går for siger, seier Mundal.

Lom G13 1 vann i onsdag 10-1 mot Soknedalen og var med det klar for åttendelsfinale onsdag kveld mot Breimsbygda. Laget vann også denne kampen og spelar kvartfinale torsdag morgon.

Lom J14 tapte i dag mot Lura i A-sluttspelet og er med det ute av årets Norway cup.

Mari Solbakken scora på straffe og sikra sigeren for Lom. Foto: RUNE HELLE