Hytteeigarar og andre har reagert på at det i fleire månader har stått mange pakker med konstruksjonar ved vegbommen i Billingsdalen i Skjåk.
Inni «pakkene» har folk etterkvart teke seg til rette og slengt frå seg både søppel og anna skit - bokstaveleg tala.
Etter at Fjuken, på papir, omtala saka førre veke - har vi fått stadefesta at konstruksjonane skal høgt til fjells.
I samband med utbygging av naudnettet skal det nemleg byggast ein basestasjon på Skarvedalseggen, mellom Skjåk og Lesja. Konstruksjonane skal, etter det Fjuken kjenner til, fjernast så snart som råd.
Ein reknar da med at både søppel og anna blir fjerna samstundes.