Årets Vågå-Dågå, som var den 16. utgåva av bygdamønstringa, vart ein suksess, og trekte mykje folk. Vagværar, folk frå nabokommunane og turistar var innom arrangementet i helga.
Vågå-Dågå vart offisielt opna fredag. Hovuddagen var laurdag med mellom anna opning av Munch-ruta, utstillingar både i Moom og Ullinsvin, utdeling av kulturpris og kulturstipend, sceneunderhaldning, motocrosskøyring, kalvemønstring og ulike stand i Moom.
Fjuken var tilstades under Vågå-Dågå og tok mange bilde. Sidan vi ikkje har moglegheit til å presentere alle bilda i papiravisa, gjev vi deg difor her eit bildeglimt frå årets bygdamønstring.