Ulovleg jakt

– Da fallviltgruppa tok seg av hjorten fann dei hagl mellom skinnet og skrotten, og det betyr at einkvan har skote på dyret med hagle. Det er prat om råe folk som gjer slik, seier Tor Trønnes ved lensmannskontoret i Lom.

Hjorten vart køyrt på riksveg 15 ved Uleberg, like ved hangglidersenteret, natt til fredag.

Politiet meiner at skytinga kan ha skjedd same dag eller dagen før.

– Vi er interessert i tips om smell og/eller bilar som har køyrt sakte i området, seier Trønnes som fortel at forholdet er anmeldt.

Også i fjor vart det funne dyr som var ulovleg jakta på i Vågå.