Laurdag var pressa invitert til kulturhuset på Otta for å prate litt med ungdomane. Der var stemninga både god og humørfylt. Ungdomane uttrykte at dei gler seg stort til premieren den 20. april.
– Dette blir bra. Vi kjenner litt nervar, men det er slik det skal vera, slo dei fast.
Årets Ungdomsmusikal i Nord-Gudbrandsdalen er basert på Lars Bakke og Lomsk sin CD «Amerikabrevet», som handlar om utvandringa til Amerika frå Nord-Gudbrandsdalen.
Ungdomsmusikalen i Nord-Gudbrandsdalen starta opp i 1998 med musikalen Hair. Det har, så langt, vore gjennomført i alt 12 musikalar, med blant anna Grease, Fame, Jesus Christ Superstar og Rent. Men i år, altså: Lomsk og Amerikabrevet.
Det er Regionrådet Nord-Gudbrandsdal som er arrangør og ansvarleg for gjennomføringa av musikalen.