Like etter klokka 13.30 torsdag køyrde ein lastebil av vegen og velta i Holungsøyom, 6,5 kilometer aust for Vågåmo.
Lastebilen var lasta med øl og brus. Sjåføren er uskadd.
Operasjonsleiar i Innlandet politidistrikt fortel at sjåføren av lastebilen måtte leggje seg ut på grunn av møtande trafikk, og kom såleis for langt ut i brøytekanten.
Det er bestilt bilberging og vegen kan bli stengt medan ein får lastebilen på vegen att.