Gratiskonsert med Sandum trio

Sandum trio starter det nye musikkåret med ein miniturne fyrste helga i januar. Laurdag 6. januar besøker dei både Vinstra og Vågå.

Konsert: Fyrste helga i januar skal Øyvind Sandum, Rikke van Ommeren og Vegard Moshagen på besøk til både Vinstra og Vågå. Båe konsertane er gratis. Om laurdagskvelden spelar dei på Vågåmo skule. Foto: Lars Evensen

Nyheiter

På dagtid denne laurdagen spelar trioen på Nord-Fron bibliotek og på kvelden har dei konsert på Vågåmo skule. Båe konsertane er gratis.

Sandum trio består av Øyvind Sandum (torader/einrader/trekkspel), Rikke van Ommeren (torader/einrader) og Vegard Moshagen (trøorgel/piano). Sandum trio si første plate vart nominert til Spellemann 2015, og oppfølgjaren har også hausta lovord.

Kjenneteiknet på Sandum trio er variasjonen mellom det lette og lystige, og det vare og lyriske.

– Vi lovar dei som kjem og høyrer på, ei variert og triveleg konsertstund, ein konsert med både vare og humoristiske slåttar, seier Øyvind Sandum.

På konserten vil det bli presentert både tradisjonell norsk folkemusikk, nykomponert musikk og nokre innslag frå irsk og canadisk tradisjonsmusikk.

Med andre ord ein triveleg start på fyrste helga i 2018.