Småjobbkarane set frå seg snøskuffa for godt
Leiar Magne Thorstad fortel at 14 personar er knytt til senteret. Dei har eit godt samarbeid med NAV Lom og Skjåk, og Thorstad håpar på liknande samarbeid med NAV Vågå.
– Vi tek på oss mange varierte arbeidsoppgåver. Det er ope for kven som helst å kjøpe tenester av oss, men vi prioriterer eldre og uføre, seier Thorstad.
Han fortel at dei har utstyr som snøskuffe og plenklyppar sjølve, slik at folk ikkje treng å tenkje på dette.
Det vil bli ei overgangsperiode i januar og februar der småjobbkarane i Vågå vil ta nokre oppdrag eller formidle vidare til Dei gode hjelparane.
– Det er bra nokon vil ta over etter oss, seier Oskar Skogen og Ola Runningen.
Dei gode hjelparane vart etablert i 2012 i Skjåk.
– Vi vil og vere eit tilbod til pensjonistar som vil vere aktive, seier Magne Thorstad.