Aksnes spelte på sin fyrste fest som 15-åring, stifta Reidar Aksnes kvartett i 1979, har spelt i radio, fjernsyn, har gjeve ut ei mengd plater, har motteke fleire ulike prisar, er komponist, snart 78 år «og framleis uforskamma sprek», som prisutdelar Arne Stasviken uttrykte det.
Reidar Aksnes kvitterte med å uttrykkje stor glede over prisen.
– Eg sat ved kjøkenbordet da eg fekk beskjed om at eg skulle få Vågåfatet. Dersom eg hadde stått på føtene, så hadde eg nok ramla i golvet da beskjeden kom, spøkte han.
Da Aksnes spelte «På musloftet» saman med Vågå trekkspelklubb rett etter prisutdelinga, reiste publikum seg og gav han trampeklapp.
Les meir om konserten og Vågåtreffen i papiravisa.