Leitte etter person inne i handelshuset

Ein person skulle ha teke seg inn i Vågå handelshus etter stengetid torsdag kveld. Politiet søkte gjennom bygget, men fann ingen.

Fann ingen To politipatruljar gjekk gjennom Vågå handelshus torsdag kveld på jakt etter ein person som skulle ha teke seg inn i bygget etter stengetid. Dei fann ingen. Foto: ARVE DANIELSEN

Nyheiter

Det var ved stengetid klokka 18.00 torsdag kveld at nokon hadde sett ein person som hadde skyvd opp utgangsdøra på Vågå handelshus og gått inn i butikksenteret.

To politipatruljar kom raskt til staden og gjennomsøkte handelshuset utan å finne nokon inne i det store bygget.

Etter det Fjuken kjenner til skal ingen av dei som var på arbeid ved stengetid, merka noko spesielt eller sett nokon mistenkjeleg person.