- Dersom vêret er med oss så startar vi torsdag 29. juni, seier byggeleiar Kjell Eide i Statens vegvesen. Strekninga frå Bøvertun til fylkesgrensa bli lagt fyrst, og målet er at denne delen av arbeidet skal vera ferdig i løpet av veke 28 eller 29. Strekninga mellom Lom og Bøvertun skal asfalterast etter fellesferien.
Arbeidet vil skje mellom klokka 07.00 og 19.00 måndag til torsdag. Det vil bli kolonnekøyring med leiebil forbi arbeidsstaden, og Kjell Eide understrekar at trafikantane må rekne med ventetid medan arbeidet pågår.- Fylkesveg 55 er mange stader svært smal, så det er viktig at bilistane køyrer varsamt og tek omsyn til asfaltarbeidarane sin tryggleik, seier han.
Det vil bli sett opp informasjonsskilt om arbeidet i Lom sentrum og på vestsida av arbeidsområdet.