Mykje folk Skjåkbedrifta Breheimen Mat står for matserveringa til dei mange tusen tilskodarane på skiarrangementet i Vikersund i helga.
(Foto: Lisa Skiaker)

Mykje folk Skjåkbedrifta Breheimen Mat står for matserveringa til dei mange tusen tilskodarane på skiarrangementet i Vikersund i helga. Foto: Lisa Skiaker

Breheimen Mat i Vikersund i helga:

Skal mette mange munnar

Breheimen Mat er ansvarleg for all matservering til publikum under verdscuprennet i skiflyging (Raw Air) i Vikersund i helga.

– Dette er det største arrangementet nokosinne, seier Leif Skiaker i Breheimen Mat.

Lokalmatprodusenten i Skjåk er på plass under verdscupen i skiflyging (Raw Air) i Vikersund i helga. Arrangørane reknar med ein stad mellom 20.000 og 30.000 besøkande, og Breheimen Mat har ansvaret for all matservering til tilskodarane.

– Vi har heile seks utsalstader og kioskar gjennom helga, inkludert eit utsal i ein «afterskihall» med plass til 2.000 personar. Med stort og smått er vi bortimot 100 personar i sving for å selje og servere mat til dei besøkande, seier Leif Skiaker.

I tillegg til eigne folk, har han leigd med seg både skuleelevar og handballag for å få metta dei mange tusen hoppentusiastane i Vikersund.

Breheimen Mat er vant til store arrangement, og er mellom anna fast inventar på fleire av dei største musikkfestivalane i landet, i tillegg til store idrettsarrangement. I tillegg til å vera i Vikersund i helga, er Breheimen Mat til stades med salsbod på verdscupavslutninga i skiskyting i Holmenkollen.

Den populære elgburgaren, elgbaben og dei andre produkta til skjåkbedrifta er svært ettertrakta, og Leif Skiaker fortel at han stadig blir kontakta av nye og store festivalarrangørar.

Skiflygingsarrangementet i Vikersund er det største arrangementet for Breheimen Mat. Også i fjor hadde dei ansvaret for matserveringa i Vikersund.

– Vi går «all in». Det er mykje logistikk og anna som skal klaffe, og det blir nok ikkje mange timane på puta i helga, seier Leif Skiaker, som føler seg sikker på at han har belaga seg med nok mat for helga.

Han har til og med ordna seg med ein lagerplass i området for både kjøle- og frysevarer ...

Sal I alt har Breheimen Mat seks utsalstader i Vikersund.
(Foto: Lisa Skiaker)

Sal I alt har Breheimen Mat seks utsalstader i Vikersund. Foto: Lisa Skiaker

Meir å lese på Fjuken:
 
Blir lese nå:
 

Asfaltering på Sognefjellet

Denne veka startar arbeidet med å legge meir enn 27 kilometer ny asfalt på fylkesveg 55 mellom Fossbergom i Lom og fylkesgrensa til Sogn og Fjordane.

Kuba er til sals

Kuba kafè og isbar i Lom sentrum er til sals.

Ekte og ærleg «politikar»

Snart åtte månader gamle Vilje Stee Vole deltok i kommunestyremøtet i Lom sist veke.

Ottadalen har fått eigne politikontaktar

Som ein del av den nye politireforma skal kvar enkelt kommune ha sin eigen politikontakt.

Lotto-millionær i Vågå

– Å herregud, kor mykje sa du at det var?

Eit yrande folkeliv:

Bildeglimt frå Fjordingsmartnan

Fleire tusen personar har besøkt martnan i Lom.

Vekas jubilant

«Vekas jubilant» er ei jente som har fylt 11 år.

Gode resultat i Lomseggen Upp

Motbakkeløpet Lomseggen Upp vart arrangert laurdag.

Gudbrandsdalens fyrste «drop in»-vigsel:

Historiske brudepar

Eitt par frå Vågå og eitt par frå Skjåk gjekk frå å vera kjærastepar til å bli ektepar under «drop in»-vigselen i Skjåk sankthanseftan.

Sommaropning i fjellet

Bli med på sankthansfeiring med fjellquiz på Sota Sæter, eller stigsykling frå Gjendesheim.

Fredag ettermiddag brakar det laus:

Klart for martna

Martnassjef Ove Nestvold lovar ei innhaldsrik helg under Fjordingsmartnan i Lom.

Lars får fotballtur

I fjor vart klassa Årets Ottadøl, nå gjev dei bort delar av prisen...

Fjuken:

Distribusjonstrøbbel

Fjuken med sommarmagasinet går ikkje ut i Skjåk torsdag.