Nord-Gudbrandsdalen forsynte seg godt av medaljane i årets samlagsmeisterskap i innandørs baneskyting. 12 skyttarlag og 144 skyttarar deltok i årets meisterskap for Gudbrandsdal skyttersamlag, arrangert av Fåberg skyttarlag.
Skjåkværen Tor Gaute Jøingsli (Lom og Skjåk skyttarlag) vart samlagsmeister da han med sine 347 poeng skaut seg heilt til topps i meisterskapen.
Sylvmedaljen gjekk til Odd Sverre Håkenstad (Lesja skyttarlag) som fekk 346 poeng.
Det vart delt tredjeplass mellom Gudbrand Mo (Lom og Skjåk skyttarlag) og Linn Hege Bakken (Ringebu og Fåvang skyttarlag) som med 345 poeng sikra seg kvar si bronsemedalje.
Lom og Skjåk skyttarlag var godt representert under meisterskapen og hevda seg med fleire topplasseringar i fleire av klassene.