Gudbrandsdalsmusea kan vise til ein stor auke i talet på besøkjande ved musea i fjor. Nesten 70.000 pesonar var innom dei forskjellige musea, kyrkjer og utstillingar i 2016. Totalt kan musea presentere ein auke på 38 prosent. Og det er særleg i Lom at besøket aukar mest.
– Auken skuldast i hovudsak den store interessa for Norsk Fjellsenter etter opninga av nytt inngangsparti og nye utstillingar sommaren 2016, skriv Torveig Dahl i ei pressemelding.
Norsk Fjellsenter hadde storparten av auken med cirka 17.300 fleire besøkjande. Totalt var over 33.000 innom senteret i fjor.