Torsdag føremiddag vart dei nominerte til Spellemann 2016 offentleggjort.
Indiepop-gruppa Highasakite, der skjåkværen Trond Bersu spelar slagverk, er blant artistane som er nominerte. Highasakite er nominert i klassa popgruppe med plata «Camp Echo». Dei andre nominerte i denne kategorien er gruppene Lemaitre og No. 4.
Highasakite vann Spellemannprisen i denne kategorien i 2015.
I tillegg til å vera nominert i klassa popgruppe, er Highasakite nominert i klassa musikkvideo med videoen «Golden Ticket».
Spellemannprisen er landets fremste musikkpris-utdeling. Årets Spellemann går av stabelen i Oslo laurdag 28. januar, og blir sendt på NRK1.