Jo-Andrè Sperstad Fjeld er utdanna vernepleiar. Han har tidlegare erfaring som friviljug i Redd Barna. Dei to siste åra har han vore arbeidsleiar for menneske med særskilde behov for tilrettelegging.
31-åringen frå Nesodden har ei sterk tilknyting til Skjåk.
– Eg er gift med ei skjåkjente, Jorunn Sperstad Fjeld. Vi har ei dotter saman, og nå er vi samde om å satse på Skjåk, med renovering av hus og alt. Vi gler oss, seier Jo-Andrè Sperstad Fjeld.
Noverande leiar i friviljugsentralen, Else Hove Hyrve, går av med pensjon den 1. oktober. Jo-Andrè Sperstad Fjeld skal etter planen starte i jobben måndag 3. oktober.