Eksakte tal er ikkje klare førebels, men avdelingsingeniør Kåre Frydenlund ved teknisk kontor i Lom kommune fortel at alt tyder på rekordtrafikk.
– Ei helg i juli var det innom over 2000 personar. Det seier sitt, slår han fast.
Sist fredag var det Mari Haugen (16) som sat vakt i «toalettbua». Turistane må betale ti kroner for å koma inn i toalettanlegget.
– Det går stort sett bra. Vi fyller på med toalettpapir og ryddar og ordnar, så eg trur dei fleste turistane skjønar at dei må betale litt for å koma inn. Gamle folk er alltid blide. Dersom det kjem sure kommentarar, er det som regel yngre folk som kjem med dei, fortel Mari.