Piratfest for små og store

Sentrum av Vågåmo var prega av små og store piratar torsdag ettermiddag.

Utanfor handelsforeininga var det show med «PiratPappa og nøkkelen til Shambala».

Showet var gratis og arrangør var Vågå handelsstand.

Piratane kom med ei stor piratskute som scene, og dei var også å sjå i sentrum timane før showet.

Her var det mogleg å helse på piratane og få i seg både piratpølse og piratpizza.

Mange, både små og store, hadde kledd seg i piratantrekk torsdag, og det var svært god stemning ved handelsforeininga. Arrangementet samla eit par hundre piratar.