– Vi i Skjåk gler oss til å på nytt arrangere Landsfestivalen, seier leiar for Skjåk Spel- og dansarlag, Randi Rust i ei pressemelding frå FolkOrg. I 2018 er det ti år sidan førre gongen.
Fyrste gongen Skjåk Spel- og dansarlag arrangerte Landsfestivalen i gammaldansmusikk, var i 2008.
Sidan den gongen har Landsfestivalen vorte arrangert to gonger i Ottadalen, i Vågå i 2012 og i Lom i 2015.
Gammaldansmusikken står sterkt i Gudbrandsdalen, og 10 av dei 30 gongene festivalen har vore arrangert frå 1986 – 2015, har den vore arrangert i Gudbrandsdalen.
Landsfestivalen i gammaldansmusikk 2018 blir arrangert i veke 31 frå 1.-5.august.
Tevlingane vil gå føre seg i Skjåkhallen, medan stemnekontor og øvingsrom blir i ungdomsskulen ved sida av hallen. Randi Rust blir leiar av hovudnemnda for festivalen, slik ho også var i 2008.