Det var 58,8 prosent valdeltaking i Vågå. Av desse hadde 641 røysta på førehand. 1.134 på sjølve valdagen.
1,7 prosent stemde blankt, 16,7 prosent stemde ja og 81,6 prosent stemde nei.
– Eg er ikkje overraska over resultatet utifrå stemninga hjå bygdefolket, sa ordførar Iselin Jonassen da resultatet var klart sundag kveld.
Jonassen sa at god deltaking og engasjement i saka, er viktig for lokaldemokratiet.
– Skuffa over resultatet?
– Ja, eg er skuffa over resultatet. Men vi har sagt klart frå at vi skal følgje folket. Eg vil difor tilrå kommunestyret til å stemme nei til kommunesamanslåing mellom Vågå og Sel, sa Jonassen.
Ordføraren er klar på at utfordringa frå regjeringa om å endre kommunestrukturen i landet, står fast.
– Den 17. juni skal det vere møte i regionrådet, der vi vil drøfte valresultatet og prosessen med kommunereform, sa Jonassen.
Også veljarane i Sel sa nei til kommunesamanslåing med Vågå.
59,6 prosent av veljarane sa nei, 36,2 prosent sa ja og 4,2 prosent blanke stemmer.
Valoppslutninga i Sel var på 44,6 prosent.