– Å få opptre i Mariinsky, er ein draum eg ikkje visste eg hadde. Ekstra stas er det at eg får opptre med eigen musikk, seier Bjørn Kåre Odde.
Fyrste og andre veka i mai reiser musikaren frå Garmo på turné saman med Oslo-koret Schola Cantorum. Fyrst til Basel i Sveits og så til Russland og St. Petersburg.
Oslo-koret har bestilt eit stykke for blandakor og fele av Bjørn Kåre Odde. Stykket har fått namnet «Snilla Patea». Kva dette betyr, held han hemmeleg.
– Namnet er lokalt forankra frå Garmo, seier Bjørn Kåre løyndomsfull.
Fredag kveld hadde Bjørn Kåre Odde og koret Schola Cantorum urframføring av stykket dei skal på turné med i Metodistkyrkja på Grünerløkka i Oslo.
Sjå video av urframføringa av «Snilla Patea» her.